السبت، 11 ديسمبر، 2010




جرحتني وطعنتني بيديك

تألمت وسكت .. نسيت قصدي تناسيت

كل يوم تطل علي عصافير الصباح تخبرني فيك

بس جاني يوم تسألني أنا صصدق من جرحها تعافيت ؟

سكت مالقيت جواب أرد لها عليك

بكيت وعرفت ان جرحها للحين عايش بس تعاليت

حتى العصافير جت تواسني فيك

وحضرت عزا شخص حي وبعدها في الحزن تماديت

الكل يسأل ومايقلى جواب .. الجواب كله فيك

لين انتهى عزاي ومنك تشافيت

وأنت لاهي بدنيتك ومبسوط .. وأنا صدق نسيتك وماابي طاريك

جتني العصافير فجأة تقول تحتاجني بديت

تكلمني وتترجاني وتحاول فيني أجيك

وبهاللحظه دار علي شريط ذكرياتي معاك وماقدرت .. بكيت

رديت عليها وأنا داخلي يرفض يقول : يكفي مايجيك

جيت لك وتكلمني وتقول وتقول وأنا داخلي يصرخ . . ليش جفيت ؟

مالقيت من يواسنين بجرحي الجديد .. وبنفس الوقت أواسيك

صدق كرهتك .. بس والله كنت أعشقك ولا دريت

جاي تقولي تراني أحبك .. معليش أنا ما ابيك .. ماأبيك

داخلي يرفض إني أرجعلك سامحني .. وتراني سامحتك على كل اللي سويت

بس تكفى لاعاد تجي .. لاتخليني أعيش بعذاب .. أنا ماابيك

تزورني العصافير تعاتني على اللي سويت

تقولي : مو هذا اللي بغيته .. مو هذا اللي تمنيته .. مو هذا اللي حبيته .. رد الله يخليك

مابغيت أجرح العصافير وأخليها تطير بهالسماء مجروحه .. مابغيت

قلت لها : أنتي بعدك ماشفتي غير السماء الصافيه النقيه .. اعفيني من الرد الله يعافيك

حتى العصافير تركتني وطارت .. وأنا بالعذاب بديت




هناك تعليقان (2):

  1. غير معرف11/12/10

    جاي تقولي تراني أحبك .. معليش أنا ما ابيك .. ماأبيك
    أليييم : (
    صح لسانك وقسم شييء يعوور ♥

    ردحذف
  2. غير معرف17/12/10

    Wonderful words and sentiments of organization in a manner painful
    I've really enjoyed sentiments suppressed here
    congratulations for Your pen
    =)

    Faten

    ردحذف